Күнз

Дэлхийн хамгийн том 100 эрсдлийг удирдах сангууд (hedge funds)-ын жагсаалт гарчээ. Хамгийн том гэдэгт 1 тэрбум ба түүнээс дээш долларын хөрөнгө удирддаг сангууд орж байгаа юм.

Жагсаалтыг 49% өгөөж олж харьцангуй танигдаагүй Don Brownstein, William Mok нарын SCH сан тэргүүлсэн байна. Мань Don Brownstein сангийн бизнес хийж эхлэхээсээ өмнө 20 жил Канзасын их сургуульд философи заасан нь харин сонирхолтой мэдээ байна. Физикчид, математикчид, трэйдерүүдээр дүүрэн сангийн ертөнцөд бол мань эр сондгой л юм. Энэ онд харин санхүүгийн ертөнцийн одууд болох Paulson, Steven Cohen, Ray Dalio, Daniel Och нар өнгөрсөн жилтэйгээ харьцуулахад амжилт муутай байжээ. Henry Paulson би буруу санаагүй бол 2005-2006 онд жилд 1 тэрбум долларын цалин авч дэлхийн хамгийн өндөр цалинтай хүнээр тодорч байсан.

Don Brownstein-ний сан 1.2 тэрбум долларын хөрөнгө удирддаг (asset under management) бөгөөд моргэжийн үнэт цаасны арбитраж (mortgage backed arbitrage) стратегийн дагуу ажилладаг гэнэ. Мань эр 27 настайгаасаа эхлэн философи зааж эхлээд 47 настайдаа хөрөнгө оруулалтын банкинд ажилд орж улмаар сан байгуулж явсаар ийнхүү амжилтанд хүрчээ. Амьдралд оройтно гэж байдаггүй гэдгийг харуулаад байгаа юм болов уу даа.

Саяхан ТВ асаатал Күнзийн амьдралаар сэдэвлэсэн кинонд Чо Юун Фат тоглож харагдав. Күнз Буддатай эн зэрэгцэж мэдэх агуу философич байжээ. Кинонд Күнз нэгэн хүнд "үүнийг (үнэнийг) ойлговол, өглөө ойлгоод үдэш бие барахад харамсах зүйлгүй" гэж хэлсэнийг сонсоод ихэд олзуурхав. Ухаан нь хэзээ ойлгох нь чухал биш харин ойлготлоо, өөрийгөө олтлоо эрэл хайгуулаа үргэлжлүүлэх нь чухал юм.