Мөн чанар Vs Шинж чанар
Сарнай бол улаан дэлбээтэй ногоон навчтай гоёмсог цэцэг.
Энэ бол шинж чанар. Энэ бол 2D хэмжээс.
Сарнайн мөн чанар нь харин юу юм бол. Зөвхөн 3 ба 4 хэмжээст орж байж л тэр талаар зарим нэг зүйлсийг мэднэ.
Сарнайн дэлбээ улаан хийгээд навч нь ногоон гэдэг нь түүний мөн чанарын талаар ямар мэдээлэл өгч байгаа юм. Ер нь бол улаан навчтай ногоон цэцэг бүрийг сарнай гээд нэрэлчихье л дээ тэгвэл.
Та номын дэлгүүр ороод үзвэл шинж чанарын талаар бичсэн номнууд их байгааг харах болно. Лидер хүний 5 чанар, Хүнд таалагдах 9 арга, Жаргалтай амьдрах 3 бодол гэх мэт.
Хэн нэгэн суут ухаантан Лидер хүний 5 чанарыг бичжээ.Тэрнийг нь өөр нэг нөхөр уншиж. Ингэлээ гээд Лидер хүний мөн чанарыг мэдэж чадах уу? Эсвэл дэлбээгээ улаанаар будаад, навчыг нь ногооноор будчихаар сарнай болчихдог юм уу?
Шинж чанарыг юу гэж ч буруугаар ойлгож болно. Шинж чанарт хуурталгүйгээр мөн чанарыг эрэлхийлэх үйлдлийг философидох гэх юм болов уу даа.
Хэл ба ухамсар
Хэдийгээр дэлхий нарыг тойрон эргэдэг мөн чанарыг хүмүүс нээж олоод даруй 500 жил өнгөрч буй боловч бидний ярианд нар мандаж, жаргасаар л буй. Бид 2D хэмжээс дээр буюу зөвхөн шинж чанарын төвшинд яриад байхаар бидний сэтгэлгээ мөн л түүнийгээ дагаад шинж чанарын төвшинд яваад байх хандлагатай. Хэлэнд асуудал байнаа. Мөн чанарт бус шинж чанарт суурилсан хэл хүмүүсийг андуу ташуу бодуулахад хүргэнэ.
No comments:
Post a Comment