Дутагдлын шок

Deficiency shock

Чадах уу? Барах уу? Амжих уу? гэнээ...

Хэрвээ чи өөрийгөө чадахгүй, барахгүй, амжихгүй гэж бодвол чи хэзээ ч чадаж, бараж, амжихгүй.

Тэмүүжин хүү өөрийгөө - нүүдэлчин, ядуу, 8 мориноос өөр хөрөнгөгүй, бичиг үсэггүй - юм чинь ... гэж бодсон бол хэзээ ч нэгэн цагт Монголыг тухайн үеийн Америк болгож чадахгүй, барахгүй, амжихгүй байсан юм.

Хэрвээ чи бусад хүмүүсийг чадахгүй, барахгүй, амжихгүй гэж бодож, ярьж байгаа бол энэ дээр чинь харин нэг юм хэлчихмээр байна.

"Замын ноход хуцаж л байдаг, харин зорилготой, үнэмшилтэй хүн хүрэх газартаа зогсолтгүй зүтгэсээр хүрэх л болно."

Монголд нэг ийм сонирхолтой prototype үүсээд байна. Монгол ухаантай хүн гэж хэн юм бэ гэхээр --- өөрөө "гэдсээ унжуулчихаад", юм хийж яваа хүн бүрийг "чадах уу, барах уу, амжих уу" гээд пивоны ширээний араас билэндээд сууж байгаа хүнийг хэлээд байх шиг. Тэр хүнд бол мэдэхгүй юм гэж алгаа.

Ер нь хүн яахаараа дандаа л бусад хүний тухай яриад эхэлдэг юм бол?

Дутагдлын шокныхоо альхан хэсэгт нь яваа хүн дандаа бусдын үйл хөдлөлийг хараад, тэрийг нь дүгнэхчээн аядаад сууж байдаг юм бол доо.

Хэрвээ чи асуулт тавьсан ухаантай юм бол ... Чадах уу, барах уу, амжих уу гээд асуугаад байгаа юм бол... би үнэтэй зөвлөгөө өгөх гэж байгаа юм.

...АСУУЛТЫГ ЗӨВХӨН ХАРИУЛТЫГ НЬ ОЛОХ ГЭЖ ТАВЬДАГ...

Яв, ажилла, үз, сур, мэд ... үнэхээр чадах юм уу, барах юм уу, амжих юм уу...

Тэгэхгүй бол энэ чинь нохой хуцаж байгаагаас ялгаагүй болчихоод сүүлд нь бүүр хүн хуцаад байгаа юм уу нохой хуцаад байгаа юм уу гэдэг нь хүртэл ойлгомжгүй болж эхлээд байна.

Энгийн хүү Тэмүүжин 800 жилийн өмнө ноходын чадахгүй, барахгүй, амжихгүй юмыг чадаж, бараж, амжижээ.

1600 жилийн дараа тэгээд яах юм нөгөө Тэмүүжингээ ярьсаар л сууж байх уу тэгээд.

Уул нь 800 жилийн дараа хүмүүс ....
" 1600 жилийн өмнө Монгол улс дэлхийн хамгийн том гүрэн байсан ... Харин 800 жилийн дараа адаг хавьд нь явж байлаа .... Өнөөдөр эргээд 1600 жилийн дараа хамгийн том гүрэн болох ажлын эхлэлийг 800 жилийн өмнө тэр залуучууд тавьсан юм..." гэж ярьцгааж байвал сайнсан.

Чи чадахгүй, барахгүй, амжихгүй гэж бодвол чи хэзээ ч амжихгүй шүү.