Tuesday, March 9, 2010

Communication err

Chris Langan бол дэлхийн хамгийн ухаантай хүн (allegedly). IQ нь 200 дөхдөг бөгөөд Эйнштэйнээс илүү гэж байгаа.

6 сартайдаа ярьж, 4 настайдаа уншиж эхэлсэн мань эр 16 насандаа дээд математикийг өөртөө заасан гэж байгаа юм. Гэтэл 52 настайдаа "бар"-ны хамгаалагч хийж байв. Амьдралынхаа туршид элдэв хар бор ажил хийж өнгөрөөжээ. Барны хамгаалагч хийж байхдаа хүний генетикийн кодыг (энэ бол био software) бараг л тайлаад байтал гэнэт зодоон өрнөж түүнийг зохицуулаад иртэл тэмдэглэл нь алга болсон байсан гэж байгаа.

Бид шүдээ угаалгүй ердөө хэдхэн цаг болоход бидний шүдэн дээр бактерийн хот тосгодууд үүсч колониуд сүндэрлэдэг. Энэ колониуд нь өөр хоорондоо нарийн харилцаа холбооны системийг бий болгож амьдрах орчноо бүрдүүлдэг байх юм.

Зарим бактерийн харилцаа холбоо бүүр ахисан төвшнийх. Нэгэн төрлийн бактерийн колони руу хүний дархлааны систем (олон төрлийн дайчидаас бүрдсэн) довтолж эхлэх үед бие биендээ SOS сигнал өгч, ингэснээр довтолгоонд өртөж амжаагүй байгаа хэсгээс хүний дайчдыг устгах хор ялгаруулдаг байна. Бас нэг төрлийн бактери довтолгоонд өртсөн хүний эс дархлааны системдээ SOS дохио өгөх замд нь саад хийж харилцаа холбоог нь таслаж байгаад тухтай үздэг байх жишээтэй.

Бид боддог учраас биш харин харилцдаг учраас амьд байж магадгүй л юм.

Амьд ба амьгүй байгалд маш олон харилцааны хэрэгслүүр байна. Энэ нь био, радио, гэрэл, цахилгаан гэх мэт олон төрлүүдэд хуваагддаг.

Харин нийгэмд хэл яриа, бичиг, дуу дүрс гэх мэт харилцааны хэлбэрүүдийг бид ашиглан өөр хоорондоо санал бодлоо хуваалцдаг билээ.

Хүмүүс яах гэж өөр хоорондоо харилцдаг юм бэ? Хүмүүс яах гэж блог хөтөлдөг юм?

Нэг эст бактериас ялгаатай нь бид өөрсдөө partnership + communication-ий сод нэгдэл юм. (Бүтээл гэж хэлж чадсангүй)

Бидний биед байгаа 10 триллион хүний эс, 100 триллион бактери, бас бус вирус, мөөгөнцөр нийлээд ертөнц дээрх хамгийн том найрал дууг бүрдүүлж хослон дуулмой. Энэ бүгд нь эсрэг тэсрэгийн нэгдэл тэмцэл, үгүйсгэлийн үгүйсгэл, хамтрал нэгдэл гэх мэтийн олон төрлийн харилцаа холбоонд суурилах билээ.

Нэгэнт бид харилцаа холбооны бодит биелэл юм бол бид бүхлээрээ харилцаа холбоог төгс хэрэгжүүлэх ёстой бус уу. Харилцаа холбоог юуны тулд хэрэгжүүлэх ёстойг өмнө нь олон удаа улиглан давтсан тул дахин нурших шаардлагагүй бизээ.

Хүн ухаантай байх ёстой юм уу эсвэл харилцдаг байх ёстой юм уу? гэсэн асуулт тавьбал утгагүй зүйл болно. Гэхдээ энэ асуултыг дахин дахин анхаарч үзвэл орчин үеийн бизнесийн байгууллага ухаан нь (тархины физик чадвар) давамгай хөгжсөн хүнийг биш харин харилцаа холбооны чадвар давамгай хөгжсөн хүнийг сонгож байна!

Нэгэнт харилцаа холбооны чадвар хөгжсөн хүний тархины физик чадвар хангалттай бөгөөд хүрэлцээтэй байдаг.

Бизнес гэдэг бол communication + partnership.

Бизнесийн байгууллагад докторын ажил хийдэг хүмүүс хэрэггүй. Бизнесийн байгууллагад бусадтайгаа үр ашигтай харилцан бүтээл гаргадаг хүмүүс хэрэгтэй юм.

Тийм учраас өөрийн оюун ухаанд бүхнийг бодсон боловч түүнийгээ бусадтай хуваалцдаггүй хүн бол "өөдгүй" хүн юм.

Олон жишээ сонсогддог. А уул нь мундаг онц сурдаг хүүхэд байсан гэтэл Б муу сурдаг байсан мөртлөө маш амжилттай явж байна гэх мэтээр Б-г буруутгаж ярьдаг.

Christopher Langan бол А бүлгийнхэний маш тод томруун жишээ юм.

Түүний амьдралыг хөөж үзэхэд харилцаа холбоон дээр дандаа алдаа гаргаж төдийлэн амжилттай байгаагүй нь харагддаг.

Логикоор бол хамгийн ухаантайг нь сонгох ёстой юм шиг харагддаг. Гэвч үнэндээ энэ нь тийм биш болохыг амархан мэдэж болно. Үүнд хялбаршуулж бизнесийн байгууллагыг авч үзэхэд болно.

Бизнестийн байгууллагын туйлын зорилт бол бүтээл гаргах. Бүтээл нь урлагийн байвал мэдээж сайн. Чадвар урлагийн бүтээл гаргах хэмжээнд хамтарч ажиллах явдал юм шүү дээ. Зураачаас ялгаатай нь зураач ганцаараа суугаад зураг зурчихдаг бол бизнесийн байгууллагад хамтарч ажиллах хэрэгтэй болно. Тэгэхээр энд харилцаа холбоо дээд зэргийн байхаас өөр аргагүй.

Одоо таньд сонголт өгвөл маш ойлгомжтой болно доо. Маш ухаантай гэхдээ бусадтайгаа харилцаж чаддаггүй хүн үү эсвэл дунд зэргийн боловч хүмүүстэй хурдан хэл амаа ололцдог, хийгээд байгаа юмаа илэрхийлж чаддаг хүнийг үү?

Магадгүй энэ нь миний дээхнэ үед хөндөж байсан "Нөгөө улсын математикийн олимпиадын аваргууд хаана байна аа?" асуултанд зарим хариулт болох байх.

Тэгэхээр байгууллагууд мэдлэгийн гэхээсээ харилцаа холбооны чадварын тестүүдийг шинээр ажил горилогчоос авч занших нь зүйтэй.

3 comments:

dddd said...

zarchimiin mash zoruutei oilgoltiig tavij baina daa. magadgui manai niigmiin aldaa uun deer l orshdog baih. miniiheer bol ene niitleld 2 mash tom aldaa baina.
1. medlegiig zovhon onoogiin academic bolovsroliin togtoltsoonii tuvshind tugeej baigaa helbereer oilgoson baina. getel unendee onoogiin bolovsroliin togtoltsoo het materailist uzeld suurilsan ed shuu dee.
2. hun boddog uchraas l uhamsartaigaar hariltsdag. uhamsarguigeer uhaalag hariltsana gej bi anh udaagaa sonsoj baina. yamar neg amjilt uhaalah shiidveriin ur dund bii boldog gedgiig ooroo uguisgehgui baihaa gej baidaj baina.
metgeltseen hiivel ene sedveer mash orgon hureeg hamrah yum baina.

UNZO said...

Мэдлэгийг би харьцангуй авч үзэж байгаа шүү. Яг үнэндээ ахисан төвшний философийн мэтгэлцээн хийхэд Монгол хэлний өөрийнх нь чадамж хүрэлцэхгүй гэж би бодож байна. Би ингэж хэлэхдээ харамсч байгаа ч яг одоо бол хэлэхээс өөр аргагүй байна. Хамгийн энгийн морал гэдэг үг Монгол хэлнээ байдаггүй шүү дээ.
Юм бичихэд надад нэг сорил байнга тулгардаг. Зөв бичих VS Хүмүүсийн ойлгоцын дагуу бичих.
Зөв бичвэл хэн ч ойлгохгүйд хүрнэ. Хүмүүсийн ойлгоцын дагуу бичихээр зөв ойлгоцыг үгүйсгэх хэрэг гардаг. Мэдлэг бол тэрний нэг том жишээ юм. Би мэдлэгийг Монголчуудын ойлгодогоор бичдэг. Би хүмүүст зориулж бичихээр шийдсэн учраас.

dddd өөрөө бичиж эхэлбэл нэлээн ойлгох байхаа даа.

Гэхдээ энэ биднийг зогсооно гэж үү?

Үгүй л болов уу.

dddd said...

Bi mongol helnii ugiin bayalgiig muu gej bodohgui baina. bid oorsdoo l mongol helee medehgui baigaa n harin unen. tegeed ch alivaa asuudliig togs utgaar ilerhiildeg hel haana ch baidaggui. moral gedeg n aguulgiin huvid yos surthuun, yos zui, uhamsar gesen utgaar hereglehed aguulga aldagdah zuil baihgui. hel gedeg ooroo mash tom soyol tuunees gadna mash tom philosopy. ugiin songolt ch ooroo mash tom philospy. manaihan mongol helee medehgui bolohooroo buruu zoruu orchuulah tohioldol baidag. gelee geed ene n mongol hel muu gesen ug bish. medlegiin tuhaid gevel mongolchuud gej hyazgaarlah hereggui baihaa delhii niiteeree het materialist handlagatai bolson n hunii huchin zuilsiig uguisgeh muu handlagaiig toruulj baigaa. delhiin ali ch surguulid ochood sursan yag adil zuil zaana. hen zaaj baina gedeg n harin oor baih aa. humuusiin oilgotsiin daguu bichij baigaa bol ooroo mash buruu zam deer yavaj baina. ooriin chin dugneltees mash evgui zuil dugnej helj bolohoor baina. ergeed neg unshaarai. mongol hel muu hel mongol humuus medleggui gej heleed baigaa yum shig sonsogdood baina. alivaa zuiliig haritsangui gej heleh n amarhan yagaad haritsangui gej dugnej baigaa ve gedeg n harin sonirholtoi. minii huvid todorhoi sedveer bichdeg harin blog hotoldoggui yum aa. odoohondoo huviin arhivtai l yavaj baina daa. bodol sanaag ug oguulbereer ilerhiileh yamar tovogteig medne. tiim ch uchras mash sain bodoj tungaaj ugiin songolt zergee mash sain nyagtlah heregtei baidag.