Намайг дайвалзтал цохиод зөрүүлээд нам цохиулдаг өрсөлдөгч байдаггүй сэн бол би өөрийнхөө "лаг"-ийг хэрхэн мэдрэх билээ?
Шудрага өрсөлдөгч бол ёс суртахуунтай өрсөлдөгч юм. Шудрага өрсөлдөгч байгаа цагт амьдрал хөгжилтэй, бас сонирхолтой байх нь дамжиггүй.
Өрсөлдөгч байгууллагыг, хүнийг урамшуулж, сэдэл өгч, урагш нь түлхэдэг.
Араас хутгалагч бол өрсөлдөгч биш харин луйварчин юм.
Өрсөлдөгчтэй vision, стратеги хоёроор л өрсөлддөг. Өрсөлдөгч бол найзаас дээр. Найз бол алжаал тайлахад онцгой ач холбогдолтой нийгмийн өгөгдөхүүн. Өрсөлдөгч бол харин амьдралыг утга учиртай болгодог онцгой чухал этгээд. Тийм учраас шудрага өрсөлдөгчийг хайрлах хэрэгтэй.
Ихэнх тохиолдолд өрсөлдөгч хоёр тал мөр зэрэгцэн олон зүйлсийг хамтдаа хийж бүтээдэг. Зарчимтай өрсөлдөгч байгууллагууд хамтдаа зах зээлийг бойжуулж, өсгөж дэвжүүлдэг. Ийм тохиолдол хаа сайгүй байна, харин масст атаатан дайснууд мэт ихэнхдээ харагдах юм.
Эцэг эх, улс орноо, бүхнээ Чингисийн цэрэгт алдсан Хорезмийн хааны хүү хожмоо их хааныг бие барсныг сонсоод "Одоо надтай хэн өрсөлдөх билээ" гэж гашуудан халагласан тухай түүхэнд гардаг.
Бид хувь хүн ч тэр, байгууллага ч тэр алхам тутамдаа сайхан өрсөлдөгчдийг хайж тэдэнтэй хүчээ сорьж явах нь зүйтэй.
Өрсөлдөгчийг бэлдэж ч болно. Өрсөлдөх чадвар сул байгаа эсрэг байгууллагаа дэмжиж өрсөлдөхүйц болгож байгаад "үзвэл" их л сонирхолтой байхсан.
2 comments:
Мөнхийн бурханлаг өрсөлдөгч цор магадгүй чиний сайн муу талууд... Харин нийлж монополдог нь их байна
Grass is always greener on the other side. Mongold business amjilltai hiihed tegej bodoj chinii tarisan ter nogoon zulgiig ustgaj orond ni uuriinhoo zulgiig tarih zorilgotoi humuus mon ch olontaa. Yaagaad hajuud ni ooroo jijig gazar awaad zuleg taruiaad shudraga orsoldoon yawuulj boldoggui yum be? Huwiin jijig companii businessiin uil ajillagaand oroltsoj yawdag "inmature" government zovhon Mongold l baidag baih...
Post a Comment